MPANDA
WANANCHI wametakiwa kutumia fursa ya kuwepo kwa
matawi ya Chuo Kikuu Huria cha Tanzania katika mikoa yote Tanzania ili kuweza
kuinua taaluma zao na kuongeza idadi ya wataalamu katika jamii
Wito huo umetolewa na Mratibu wa Taaluma katika Chuo
Kikuu Huria tawi la mkoa wa Katavi, Joseph Kabage alipokuwa akisoma taarifa ya
Chu hicho kwa mgeni rasmi wakati wa hafla fupi ya kufungua mwaka wa masomo kwa
msimu wa masomo wa 2013/14 iliyofanyika katika ukumbi wa Chuo hicho mjini
Mpanda
Alisema serikali katika kuhakikisha wananchi walio
na uwezo wa kitaaluma kusoma kozi mbali mbali zinazotolewa na vyuo vikuu lakini
hawana uwezo wa kufika mahali vyuo viliko wanapata fursa hiyo kupitia program za
masomo ya Chuo kikuu huria ambapo hivi sasa serikali imeweza kufungua tawi la
Chuo Kikuu huria kila mkoa ikiwa ni pamoja na mikoa yote iliyoanzishwa hivi
karibuni.
Akizungumzia mafanikio ya Chuo hicho tangu
kufunguliwa katika mkoa wa Katavi, Kabage alisema idadi ya wadahiriwa na
wahitimu imekuwa ikiongezeka mwaka hadi mwaka ambapo amesema chuo kimekuwa
kikipambana na changamoto ya kuwa na wanachuo wanaotoka maeneo ya vijijini
kwenye uhaba wa nishati ya umeme na hivyo kuwawia vigumu wanachuo hao kusoma kwa
ufanisi kwani masomo yote yanatolewa kwa njia ya kompyuta
Katika hotuba yake Mgeni rasmi wa shughuli hiyo,
Mkurugenzi wa Halmashauri ya Mji Mpanda hotuba iliyosomwa na Afisa Elimu wa
Halmashauri hiyo, Venance Kayombo amewataka wanachuo kusoma kwa bidii na
kuhakikisha wanapata ujuzi utakaowasaidia katika kuongeza ufanisi wa majukumu
yao katika jamii kwani kipimo cha msomi ni uwezo wake wa kutekeleza majukumu
aliyopewa katika jamii
Alisema ujuzi ni ujuzi haujalishi umepatikana wapi
bali unapimwa kwa uwezo wa aliyepata ujuzi huo kuutumia katika kutatua matatizo
yanayojitokeza katika eneo lake la uwajibikaji na kupata ufumbuzi.
Jumla ya waombaji 83 wamedaihiriwa kuanza masomo
katika chuo kikuu huria tawi la Katavi katika fani mbali mbali katika kipindi
cha mwaka 2013/14 ambapo bado udahiri unaendelea hivyo idadi ya waliodahiriwa
itaongezeka
KALAMBO
MICHEZO - UHURU KAPU YAANZA KALAMBO
Na Nswima Ernest, Kalambo
KATIBU wa chama cha mpira wa miguu katika halmashauri ya wilaya ya
Kalambo mkoani Rukwa (KLFA) Bonivenute Feruzi ametangaza kuanza kwa ligi ya
kuwania zawadi ya vikombe jezi na fedha taslimu itakayozishirikisha timu 17
toka kata zote za halmashauri hiyo kwenye ligi itakayofikia kilele chake siku
ya maadhimisho ya sherehe za uhuru wa Tanzania Bara Dec 12 mwaka huu
TAARIFA iliyosomwa na katibu huyo wa KLFA wakati wa uzinduzi wa
kuanza kwa ligi hiyo uliyofanywa na mkuu wa wilaya hiyo Moshi Chang’a mjini
Matai makao makuu ya wilaya hiyo ilieleza kuwa michuano hiyo inayodhaminiwa na
mbunge wa viti maalumu mkoa wa Rukwa Rosweeter Mushi Kasikila itafanyika kila
mwaka na kulenga kukuza vipaji vya mchezo huo kwa vijana wa kiume na pia wa
kike kutoka ngazi za vijiji
ALISEMA ligi hiyo iliyoanza mwezi June mwaka huu katika ngazi za
kata ambapo vijiji husika vya kila kata vilichuana na kupata wachezaji bora
waliounda timu moja ya kata itahitimishwa kwa mshindi wa kwanza kupata kikombe
kikubwa jezi na fedha taslimu shs laki tatu mshindi wa pili kikombe na shs laki
2 na wa tatu kikombe na laki 1ambapo pia itaundwa timu moja ya kombaini ya
wilaya itakayokuwa chini ya uangalizi wa KLFA katika masuala ya ufundi utaalamu
na maslahi ya wachezaji
MGENI rasmi mgeni mkuu wa wilaya Moshi Chang’a aliyezindua ligi
hiyo kwa kutengewa mpira wa penati na kufunga goli alisema serikali wilayani
humo itaendeleza utaratibu wa kuyatumia mashindano ya aina hiyo kwa ajili
ya kuchagua wachezaji wazuri watakaoshiriki mafunzo ya mchezo huo chini ya
kocha mwenye ujuzi na kujenga hamasa kwa wadau wa soka wilayani humo kuchangia
michango yao ya hali na mali
BAADHI ya wapenzi wa mpira wa miguu wilayani Kalambo waliohudhuria
mechi ya uzinduzi wa ligi hiyo walimweleza mwandishi wa habari hizi kuridhika
kwao na juhudi za serikali na viongozi wengine kushirikiana na wadau mbalimbali
wa michezo kukuza vipaji vya mpira wa miguu katika wilaya hiyo mpya
iliyozinduliwa takribani mwaka mmoja uliopita
