NAMANYERE
KATIKA hali isiyo ya kawaida Makamu wa Rais wa Jamhuri ya
Muungano wa Tanzania Dkt Mohammed Ghalib Bilal ameelezea kujutia namna
uharibifu wa mazingira ulivyo hivi sasa nchini
Dr Bilal alionesha kujutia kwake na hali ilivyo sasa ya
uharibifu mkubwa wa mazingira katika maeneo mbali mbali nchini na kuelezea
madhara yanayojitokeza kutokana na uharibifu huo kwa Watanzania nchini ikiwa ni
pamoja na kusababisha vifo
Akihutubiwa Watanzania katika kilele cha siku ya mazingira
duniani katika uwanja wa sabasaba katika mji wa Namanyere wilaya ya Nkasi mkoa
wa Rukwa Makamu wa Rais alisema ni ukweli ulio wazi kwamba pamoja na umuhimu wa
mazingira bado tunaendelea kufanya uharibifu wa mazingira
“Ni ukweli ulio wazi kwamba, pamoja na umuhimu wa mazingira
bado, tunaendelea kufanya uharibifu wa mazingira na hivi sasa tumeshaona na
kujutia athari za uharibifu wa mazingira tulioufanya” alisema Dkt bilal
Aidha alifafanya kuwa baadhi ya athari zitokanazo na
uharibifu wa mazingira duniani ni pamoja na kupungua kwa mvua, majira
kubadilika na kuongezeka kwa vipindi vya ukame, kupungua kwa kasi ya theluji
katika ncha ya kaskazini nay a kusini na kwenye vilele vya milima kote dunia
ambapo hata mlima Kilimanjaro nao unaathirika pia
Athari zingine alizitaja kuwa ni kupungua kwa kina cha maji
katika maziwa mbali mbali na katika nchi yetu maziwa yanayoathirika ni Ziwa
Tanganyika, Victoria na Ziwa Rukwa, kuongezeka kwa kina cha bahari na kuathiri maeneo
ya nchi kavu ambapo maeneo mengi yamezama na mengine yako hatarini kuzama
ambapo hapa Tanzania kisiwa cha Maziwe katika Bahari ya Hindi kimezama ambapo
pia visima vya maji katika ukanda wa
Pwani vimeanza kuwa na maji chumvi
Alisema madhara mengine aliyataja kuwa ni kuenea kwa
magonjwa kama malaria kwenye maeneo ambayo hayakuwa na mbu lakini siku hizi mbu
wapo huko kutokana na ongezeko la joto kwa mfano maeneo yenye miinuko na baridi
hususani Nyanda za Juu Kusini na Kaskazini hapa nchini
Madhara mengine alisema ni kupungua kwa kiwango cha maji
duniani kwenye chemic hemi, mito, vijito, maziwa na mabwawa kukauka, kuendelea
kupungua kwa kasi kwa misitu na jangwa kuzidi kuongezeka kwenye maeneo ambayo
hayakuwa na jangwa hapo awali pamoja na kuathirika kwa ubora wa ardhi na
kupunguza malisho ya mifugo na wanyama wengine ambapo pia imebainika kuwa maji
kwa ajili ya matumizi ya binadamu na viwandani yamepungua sana.
Kufuatia hali hiyo Makamu wa Rais alisisitiza kuwa hali siyo
nzuri hata kidogo hivyo inabidi hatua za makusudi zichukuliwe kukabiliana na
tatizo lililopo
“kwa ujumla hali siyo nzuri hata kidogo na kwamba hatuna
budi kuchukua hatua za dhati za kurekebisha hali hii, lazima tuchukue hatua za
makusudi kupunguza kasi na kurekebisha uharibifu wa mazingira na tuendelee na
juhudi za kuejnga upya tulipoharibi na kulinda palipo salama” alisema Dr Bilal
Alifafanua kuwa
mwakani kutakuwa na tuzo ya Rais ya Kuhifadhi Vyanzo vya Maji, Kupanda
miti na Kutunza itakayotolewa mwaka ujao wa 2014 kwenye kilele cha maadhimisho
ya Siku ya Mazingira Duniani na kuzitaka tasisi, kaya, shule, makampuni, vyuo,
wilaya, mikoa, mashirika ya serikali na yasiyo ya serikali kushiriki.
Awali Naibu Waziri, wizara ya Afya na Ustawi wa Jamii Dkt
Seif Selemani Rashid alitangaza halmashauri zilizoshinda shindano la usafi wa
mazingira lililoendeshwa na Wizara ya Afya na Ustawi wa Jamii 2013 ambapo
katika halmashauri za Majiji jiji la Nyamagana Mwanza ambalo lilipewa kombe,
cheti maalumu na pikipiki
Katika kundi la halmashauri za Manispaa Dk Seif aliitangaza
manispaa ya Moshi kuwa ya kwanza kwa kushinda shindano hilo la usafi wa
Mazingira nchini na kukabidhiwa Kombe, cheti maalumu na Pikipiki aina ya Yamaha
cc125 ambapo manispaa ya Iringa walipata ushindi wa pili na kukabidhiwa cheti
maalumu na pikipiki aina ya Yamaha cc 110 na Manispaa ya tau ilitangazwa kuwa
ni Manispaa ya Morogoro ambayo ilipewa cheti maalumu cha ushindi na pikipiki
aina ya Yamaha 110
Naibu Waziri wa Afya Dkt Seif aliitangaza Halmashauri ya Mji
wa Mpanda kuwa bingwa wa mashindano ya usafi wa Mazingira yaliyoendeshwa na
wizara yake ambapo halmashauri hiyo ilikabidhiwa na Makamu wa Rais Cheti
maalum, Kombe na Pikipiki aina ya Yamaha cc 125, mshindi wa pili ni halmashauri
ya mji wa Njombe ambayo ilipewa cheti maalum na pikipiki aina ya Yamaha 110
Katika halmashauri za wilaya Dkt Seif aliitanga Halmashauri
ya wilaya ya Njombe kuwa mshindi wa kwanza wa mashindano hayo ambayo
ilikabidhiwa cheti maalumu, kombe na pikipiki aina ya Yamaha cc 125 na ya pili
kuwa ni halmashauri ya wilaya ya Rungwe iliyokabidhiwa cheti maalum na pikipiki
aina ya Yamaha cc 110 na ya tatu ilitangazwa halmashauri ya wilaya ya Meru
ambayo ilikabidhiwa cheti maalumu na pikipiki aina ya Yamaha cc110
Aidha Dkt Seif alifafanua kuwa mwaka huu wizara yake
iliendesha mashindano ya kampeni ya vyoo bora na usafi wa mazingira kwa
halmashauri ambapo halmashauri ya wilaya ya Kondoa ilifanya vizuri ambayo
ilikabidhiwa cheti na pikipiki aina ya Yamaha cc 125
Alisema vitongoji nchini vilishindanishwa katika matumizi
bora ya vyoo bora ambapo kitongoji cha Mserakati kata ya Kwamtoro halmashauri
ya wilaya ya Kondoa iliweza kushinda ambapo ilikabidhiwa Baiskeli tatu aina ya
Phoenix, cha pili ni kitotongoji cha Ndemanilwa, kata ya Kibaoni wilaya ya
Mlele ambacho kilikabidhiwa baiskeli mbili aina ya Phoenix na kitongoji cha
tatu ni cha Kasanda kilichopo katika kata ya Busagara halmashauri ya wilaya ya
Kibondo ambacho kilikabidhiwa zawadi ya baiskeli mbili aina ya Phoenix
mwisho
