AFYA
za watumiaji wa maji ya bonde la mto Katuma katika wilaya za Mlele na Mpanda
mkoani Katavi ziko hatarini kutokana na matumizi ya kemikali yenye sumu
inayotumika kuyeyushia mawe yenye madini na kutiririsha katika mto Katuma
Hayo yalibainika katika kikao cha
wanajumuiya ya watumiaji wa bonde dogo la mto katuma jana baada ya wakazi wa
kijiji cha Katuma wilaya ya Mpanda kulalamikia kitendo cha mwekezaji mmoja wa
uchimbaji madini kuyeyusha mawe ya madini kwa kutumia maji ya mto huo na
kemikali inayodaiwa kuwa ni sumu
Walidai kuwa mwekezaji huyo anatumia
kemikali iliyokatazwa kutumika katika mgodi wa North Mara mkoani Kagera
kuyeyushia mawe ambapo amejenga matanki makubwa anayojaza maji na mawe na kasha
kumwagia kemikali ambayo inachemsha mawe na maji kama maji yanavyochemka na
kuruka katika sufuria la chai hadi mawe yanapoyeyuka na kubaki kama uji
Myeyuko huo una poozwa na kuchujwa ili
kubakisha uji wenye madini aina ya dhahabu na masalia yenye sumu yanatupwa ovyo
hali inapelekea tope hilo
lenye sumu kutiririkia mto Katuma ambao unatumika kwa kazi za kilimo,
kunyweshea wanyama na matumizi ya binadamu
Imebainika kuwa hata maji yanayotumika
katika shughuli za kuyeyushia mawe na matumizi mengine ya uchimbaji yanatoka
katika mto Katuma licha kuwa kampuni hiyo ambayo haijafahamika jina lake haina
kibali cha kutumia maji kutoka Wizara ya Maji
Mkuu wa wilaya ya Mpanda, Paza Mwamlima
alipotakiwa kuzungumzia suala hilo alisema kuwa ofisi yake imelipata na kuanza
kulifanyia kazi kikamilifu na baada ya kukamilisha uchunguzi ofisi yake itatoa
taarifa na kuchukua hatua stahiki ili kulinda afya za wananchi na viumbe hai
katika bonde la mto Katuma na mto mto
Katuma wenyewe.
WANOLEWA KULINDA MTO KATUMA
OFISI
ya Bonde la Ziwa Rukwa imeanza kuwajengea uwezo wananchi watumiaji wa maji ya
bonde dogo la mto Katuma katika wilaya za Mlele na Mpanda mkoani Katavi ili
waweze kulisimamia bonde hilo, kulitunza na kulinda rasilimali ya maji ya mto Katuma kwa manufaa ya wananchi wenyewe
Mafunzo hayo yanawashirikisha wanajumuia watumia
maji ya bonde la mto Katuma kutoka vijiji vya Sitalike, Kakese, Mwamkulu,
Katuma, Bugwe, Mnyagala na Kambaga katika wilaya za Mlele na Mpanda mkoani
Katavi yanaendeshwa na kusimamiwa na Bonde la Ziwa Rukwa ili kuunda jumuiya ya kulinda
vyanzo vya maji vinavyoutengeneza mto Katuma
Afisa Maendeleo ya Jamii Mwandamizi kutoka
Bonde la Ziwa Rukwa, Thadeus Ndeseiyo alisema mafunzo hayo yanalenga kuwajengea
uwezo wanajumuiya wa bonde dogo la Katuma ambao ni watumiaji wa rasilimali ya
maji ya bonde hilo ili waweze kusimamia,
kulinda na kuendeleza uhifadhi wa mazingira ya bonde la Mto Katuma na mto
Katuma wenyewe.
Alisema shughuli ya kuunda jumuiya ya
watumiaji maji wa bonde la Katuma itachukua mwezi hadi kukamilika ikiwa ni
pamoja na kuunda katiba itakayowawezesha kufanya kazi kisheria na kulinda
vyanzo vya rasilimali ya maji katika bonde dogo la Katuma ambalo liko hatarini
kutoweka kutokana na uharibifu mkubwa wa mazingira ulioko katika vyanzo vya
maji ya Mto Katuma
Alisema ofisi yake inategemea jumuiya hiyo
kuweza kusimamia, kuzilinda na kuhifadhi rasilimali za maji kwani kutokana na
mafunzo hayo jumuiya iatweza kuibuka na kanuni, taratibu hatimaye katiba yake
yenyewe itakayowaongoza kusimamia rasilimali za maji kwa pamoja itakayosaidia
kuondoa migogoro ya mara kwa mara katika maeneo yote ya bonde la Katuma
Mafunzo hayo yanayotolewa na wataamu wa
maji na uhifadhi wa mazingira kutoka halmashauri za wilaya ya Mpanda na
Halmashauri ya Mji wa Mpanda yalianza Julai 20, 2013 kwa lengo la kuhakikisha
kuwa matumizi ya rasilimali ya maji katika bonde la Katuma yanakuwa endelevu na
kwa manufaa ya wananchi wote.
WAWILI WAKUTWA NA SMG SITALIKE
WATU wawili wanashikiliwa na jeshi la polisi mkoa wa Katavi
kwa kukutwa na silaha ya kivita aina ya SMG na risasi ishirini na moja kinyume
cha sheria
Kamanda wa jeshi la polisi mkoa wa Katavi, Dhahir
Kidavashari aliwataja waliokamatwa kuwa ni Bosco Mpangwa (48) mkazi wa
Mpandahoteli mjini Mpanda wilaya ya Mpanda na Frank Sabuni (21) mkazi wa kijiji
cha Sitalike wilaya ya Mlele
Alisema watuhumiwa walikamatwa Julai 20, 2013 majira ya saa
sita usiku katika kijiji cha Sitalike wilaya ya Mlele wakiwa na silaha aina ya
SMG ikiwa na namba tofauti ya vifaa vilivyounda silaha hiyo huku mwili wa
silaha hiyo ukiwa umeundwa kwa sehemu tatu yaani mwili wa bunduki yenye namba
BD17B804, Coocking Handle yenye namba H7092 na Kipokeo (receiver) yenye kava
namba 685 na risasi 21 za SMG/SAR
Alifafanua kuwa watuhumiwa hao walikamatwa kutokana na
taarifa kutoka kwa raia wema baada ya kupata taarifa hizo askari wa hifadhi ya
Katavi (TANAPA) na askari wa polisi waliweka mtego wa kuwakamata katika eneo la shule ya Msingi
Sitalike ambapo watuhumiwa walifika eneo hilo huku mtuhumiwa Bosco akiwa amvaa
silaha huku akiwa amifunika kwa koti kubwa zito walipokuwa wakielekea katika
hifadhi ya wanyama ya Katavi kufanya ujangili
Kamanda Kidavashari alisema mtuhumiwa Bosco pia ana kesi
nyingine ya Uhujumu uchumi Economy Namba 15/2008 na mwenzake ana kesi ya
kupatikana na Nyara za Serikali CC Namba 293/2012 katika mahakama ya wilaya ya
Mpanda
Kamanda Kidavashari alisema uchunguzi umekamilika hivyo watuhumiwa
watafikishwa mahakamani wakati wowote kujibu tuhuma zinazowakabili
Katika tukio lingine Dickson Petro Ntaali anashikiliwa na
jeshi la polisi kwa tuhuma za mauaji ya aliyekuwa mke wake tukio lililotokea
Julai 15, 2013 majira ya saa nne usiku katika kijiji cha Mwamkulu wilaya ya
Mpanda mkoani Katavi
Kamanda wa jeshi la polisi mkoa wa Katavi Dhairi Kidavashari
alisema mtuhumiwa alikamatwa kwa tuhuma za mauaji ya aliyekuwa mke wake, Solile
Elikana (35) kwa kukatwa katwa na kitu chenye ncha kali kichwani, usoni na
kwenye mikono ya mwili wake.
Alisema tangu wanandoa hao kuhamia katika kijiji cha
Mwamkulu wakitokea wilayani Magu mkoani Mwanza April 2013 walikuwa na ugomvi wa
ndani baina yao hadi wakafikishana kwa mwenyekiti wa kijiji hicho na kuvunja
ndoa yao mbele ya uongozi wa kijiji mnamo Julai 12, 2013 na kugawana vyombo
vyao.
Alisema Julai 15, 2013 mtuhumiwa alionekana siku ya tatu
Julai 15, 2013 tangu kuvunja ndoa yao
katika maeneo ya Centre-John kijijini hapo majira ya saa nne usiku na kuondoka
alipofika jirani na nyumba ya marehemu alimvizia marehemu na kumkata visu
sehemu za mwili na kumuua marehemua.
